|
Në bazë të nenit 12-a të Ligjit për Akademinë e Sporteve (“Gazeta Zyrtare e Republikës së Maqedonisë” nr. 115/2014, 129/2015, 146/2015, 30/16 dhe 142/16) dhe Rregullorja për mënyrën dhe kriteret e posaçme për ndarjen e bursës mujore të nxënësve në akademinë sportive (“Gazeta Zyrtare e Republikës së Maqedonisë” nr. 191/15), ndërsa në pajtim me Aktvendimin për shpalljen e Konkursit për ndarjen e bursave të nxënësve në SHMSH “Akademia e Sporteve” për vitin shkollor 2022/2023, nr. _________ të datës __. __. 2022, Ministria e Arsimit dhe Shkencës shpall
KONKURS për ndarjen e bursave për nxënëst në SHMSH "Akademia e Sporteve" për vitin shkollor 2022/2023
|
Ministria e Arsimit dhe Shkencës për vitin shkollor 2022/2023 do të ndajë bursa për nxënësit e regjistruar në SHMSH“Akademia e Sporteve” në Republikën e Maqedonisë së Veriut.
I. KUSHTET PËR NDARJEN E BURSAVE
Të drejtë për bursë kanë nxënësit të cilët janë të regjistruar në SHMSH “Akademinë e Sporteve” në Republikën e Maqedonisë së Veriut, ndërsa i plotësojnë kushtet në vijim:
- Të jenë nxënës të rregullt në Akademinë e Sporteve nga viti II, III dhe/ose IV
- Gjatë vitit të kaluar shkollor të kenë arritur të paktën sukses të përgjithshëm Shumë mirë 4.00 (katër) dhe sukses shkëlqyeshëm 5 (pesë) në lëndën zgjedhore të trajnimit nga sporti i zgjedhur në fund të vitit shkollor;
- Të mos kenë përsëritur vit gjatë shkollimit të tyre;
- Të mos jenë shfrytëzues të bursës nga institucionet tjera ose kompani;
- Të jenë shtetas të Republikës së Maqedonisë së Veriut.
II. MËNYRA DHE AFATI I PARAQITJES
Nxënësit të cilët i plotësojnë kushtet e konkursit plotësojnë aplikacion elektronik dhe bashkëngjitin dokumentacionin përkatës në https://e-uslugi.mon.gov.mk/, ndërsa nuk kanë mundësi të aplikojnë në mënyrë elektronike, plotësojnë fletë regjistrimi (list evidentuese) dhe e dorëzojnë dokumentacionin e nevojshëm pas konkursit në Ministrinë e Arsimit dhe Shkencës, (rr. Shën Kirili dhe Metodi nr. 54, Shkup), prej datës 28.09.2022 deri më 10.10.2022, prej orës 08:00-16:00.
III. DOKUMENTET E NEVOJSHME
Nxënësit që janë regjistruar në mënyrë elektronike është e nevojshme t`i dorëzojnë dokumentet në vijim:
1. Kërkesë (publikuar në faqen mon.gov.mk) vetëm për kandidatët që do të aplikojnë në formë të letrës;
2. Vërtetim se është nxënës i rregullt në vitin shkollor 2022/2023 lëshuar nga SHMSH “Akademia e Sporteve”;
3. Kopje të noterizuara të dëftesave të arsimit të përfunduar të vitit të parë, të dytë dhe/ose të tretë;
4. Deklaratë të nënshkruar nga prindi/kujdestari se kandidati nuk është shfrytëzues i bursës tjetër dhe
Me parashtrimin e dokumenteve të kërkuara, kandidatëve u rekomandohet të dorëzojnë kopje të llogarisë së tyre të transaksionit ku do të merrnin paratë në rast se përfitojnë bursë.
Ministria e Arsimit dhe Shkencës zyrtarisht e siguron certifikatën e shtetësisë së Republikës së Maqedonisë së Veriut nga Ministria e Punëve të Brendshme.
IV. VENDI DHE AFATI I PARASHTRIMIT TË DOKUMENTEVE
Nxënësit, të cilët janë regjistruar në mënyrë elektronike në konkurs, në Ministrinë e Arsimit dhe Shkencës në rr. “Shën. Kirili dhe Metodi” nr. 54, Shkup, të datës 28.09.2022 deri më 10.10.2022 prej orës 08:00-16:00, i dorëzojnë dokumentet e përcaktuar në kapitullin III të konkursit.
V. SHUMA E BURSËS
Vlera e bursës do të jetë 3500 denarë në muaj për nëntë muaj gjatë vitit shkollor.
Nxënësit që do të përfitojnë bursë do të lidhin marrëveshje me Ministrinë e Arsimit dhe Shkencës, me të cilën do të përcaktojnë të drejtat dhe detyrimet.
Detyrohen të gjithë përfituesit e bursave pas publikimit të listës, ndërsa më së voni deri më 21.11.2022 të nënshkruajnë marrëveshjen e bursave me Ministrinë e Arsimit dhe Shkencës .Të gjithë kandidatët që nuk do të respektojnë këtë afat do të konsiderohet se kanë refuzuar bursën.
Lista e nxënësv që do të fitojnë me të drejtën e bursës do të publikohet më 10.11.2022 në ueb-faqen mon.gov.mk dhe në SHMSH “Akademia e Sporteve”.