Në Ditën Botërore të Kryqit të Kuq dhe Gjysmëhënës së Kuqe më - 8 maj, në vend fillon fushata edukative "Ndihma e parë shpëton jetë" në kuadër të së cilës mbi 25 mijë nxënës të shkollave fillore dhe të mesme do të trajnohen se si të ndërhyjnë në kohë dhe në mënyrë të saktë në në situata krize, ndërsa me qëllim për të shpëtuar jetën e dikujt ose për të zvogëluar komplikimet nga lëndimet e shkaktuara dhe invaliditeti. Fillimin e fushatës të cilën e organizon Kryqi i Kuq i Republikës së Maqedonisë së Veriut, në bashkëpunim dhe me mbështetjen e disa institucioneve, ndër të cilat edhe Ministria e Arsimit dhe Shkencës, ishte lajmëruar në manifestim promovues në Parkun e Qytetit ku mori pjesë edhe sekretari shtetëror i MASH-it, Aneta Tërpevska.

 

Duke uruar ditën e udhëheqjes dhe vullnetarëve të Kryqit të Kuq, Tërpevska dëshiroi që ky organizim të vazhdojë të ekzistojë me sukses sepse është faktor i rëndësishëm shoqëror që kontribuon në angazhimet institucionale dhe shoqërore për parandalimin shëndetësor dhe mbrojtjen sociale të qytetarëve të Maqedonisë së Veriut.

 

Tërpevska e përshëndeti fillimin e fushatës realizimi i së cilës është mbështetje e procesit arsimor si dhe kontribut në forcimin e bashkëpunimit dhe avancimit të shoqërisë sonë, me shpresë se e njëjta do të rritet në aktivitet të vazhdueshëm përmes të cilës do të përfshihen numër më i madh i nxënësve.

 

 

Sekretari shtetëror i MASH-it theksoi se pikërisht përmes iniciativave të tilla krijohen vullnetarë dhe punëtorë të rinj humanitarë të cilët i bashkohen misionit të Kryqit të Kuq dhe japin kontribut të madh në zhvillimin e veprimtarisë humanitare shoqërore dhe globale.