Fillon dialogu mes pushtetit qendror, vetëqeverisjes lokale dhe komunitetit të biznesit, i cili do të tregojë se cilat profile profesionale, në cilat shkolla të mesme dhe komuna dhe me sa paralele do të hapen në vitin akademik 2022/2023. Ministri i Arsimit dhe Shkencës Jeton Shaqiri, duke paralajmëruar serinë e takimeve në të gjitha qarqet e vendit, të cilat do të zhvillohen gjatë këtij dhe muajit të ardhshëm, tha se dialogu social synon rritjen e numrit të nxënësve të regjistruar në shkollat e mesme profesionale, për të inkurajuar kompanitë të hapin dyert për praktikantë ose klasat e dyfishta dhe të promovojë rëndësinë e arsimit të mesëm profesional.
„Shkollat e mesme profesionale mund të jenë sërish zgjedhja e parë e gjimnazistëve vetëm nëse komunat, kompanitë vendore dhe shkollat e mesme profesionale përfshihen drejtpërdrejt në këtë proces të dialogut social, sepse kryetarët e komunave, drejtuesit e kompanive dhe drejtorët e shkollave e dinë më së miri se ku duhet të ndërhyjmë për të ofruar profesione të që i kërkon tregu i punës dhe cila është mënyra më e mirë për ta bërë këtë. Sa më i suksesshëm të jetë ky bashkëpunim dhe të identifikohen me kohë nevojat reale, aq më shpejt do të arrijmë qëllimin e përbashkët të dëshiruar - sigurimin e kuadrit profesional të munguar, por edhe rritjen e mundësive për punësim më të shpejtë të të rinjve menjëherë pas diplomimit dhe qëndrimit të tyre në vendet ku jetojnë dhe kontribuojnë në rritjen dhe zhvillimin ekonomik të komunave dhe shtetit”, tha ministri Shaqiri.
Ky është viti i dytë që Ministria e Arsimit dhe Shkencës nis dialogun në nivel lokal, në bashkëpunim me Ambasadën Zvicerane dhe Projektin E4E @ mk - "Arsimim për punësim".
Ministri Shaqiri, duke u bërë thirrje kryetarëve të komunave që të angazhohen në dialog si mundësi për të krijuar një politikë regjistrimi të përshtatshme për nevojat e komunave, tha se rezultatet e dialogut të vitit të kaluar konfirmojnë se të rinjtë gjithnjë e më shumë i shohin përfitimet e arsimit profesional dhe zgjedhin të mësojnë në të, sepse ofron më shumë mundësi – punësim menjëherë pas shkollës, por shërben dhe si start më i mirë për t’u regjistruar në disa nga fakultetet teknike.
Duke iu drejtuar sektorit të biznesit, ministri tha se synimi është përfshirja e sa më shumë kompanive në arsimin dual, si një model i dëshmuar që ofron profesionistë të gatshëm për t`u përfshirë drejtpërdrejt në punë në vendet ku kanë kryer punë praktike.
Në vitin akademik 2021/22 është rritur numri i paraleleve nga 11 në 97 dhe në to janë regjistruar 1400 nxënës. Ndërsa kumulativisht në arsimin e mesëm teknik u regjistruan me 6% më shumë nxënës në krahasim me vitin e kaluar shkollor.
Ministria e Arsimit dhe Shkencës, në përpjekjet e saj për promovimin e arsimit të mesëm profesional, i tërheq nxënësit sikurse duke përmirësuar kurrikulat ashtu dhe duke ndryshuar politikat e bursave. Këtë vit shkollor, nxënësit e regjistruar në paralele duale në shkollat e mesme në vend përfitojnë bursë mujore prej 3.500 denarë, që është një tjetër nxitje për të arritur rezultate më të mira, por edhe lehtësim financiar në procesin e shkollimit.