Lajmi që u publikua në rrjetet sociale dhe që u përhap me shpejtësi, nuk është i vërtetë. Video incizimet nga kamerat e sigurisë  të cilat shfaqen nuk janë nga hapësirat e ministrisë. Apelojmë qytetarët që të mos bien në mashtrime dhe të jenë të qetë sa i përket çështjes së mbrojtjes së të dhënave personale me të cilat disponojmë për nxënësit, studentët, kuadrin mësimor etj. Sistemet e MASH-it janë të mbrojtura në mënyrë përkatëse.

Ministria e Arsimit dhe e Shkencës informon se pas kontrolleve të bëra të shërbimit të brendshëm përkatës së bashku me institucionet kompetente për trajtimin me incidentet kompjuterike, nuk është konstatuar asnjë ndërhyrje në sistemet elektronike dhe bazat e të dhënave që disponojmë si institucion.

Në ndërkohë, mbetemi në koordinim konstant dhe vazhdojmë të punojmë me të gjitha institucionet dhe organet përkatëse që punojnë në fushën e krimit kompjuterik dhe konflikteve, ndërsa në udhëzim të ngritjes së sigurisë së sistemeve elektronike në nivel edhe më të lartë.