Futja e mësimit të matematikës tek nxënësit e klasave të para përmes tregimeve, rrëfimeve , përrallave dhe lojërave që burojnë nga jeta e përditshme e fëmijëve  paraqet mënyrën më të  natyrshme dhe më të bukur, gjithashtu dhe mënyrën më efektive për ti  arritur standardet e përcaktuara për vlerësim në plan programin e ri  të matematikës, thotë Dr. Sllagjana Jakimoviq e cila së bashku me Irena Bogdanovska, i përgatitën materialet e reja për mësimin e matematikës për klasën e parë.

Jakimoviqi  thotë se pasqyrimi i librit të ri shkollor përfshin ilustrimet e pasura dhe tregimet vizuale inkurajuese të secilës prej detyrave që njëkohësishtë  ngërthejnë  një spektër  të gjerë të kërkesave kognjitive të detyrave matematikore.

Mësimdhënsit do të prezantojnë matematikanët më të rinj me ata përmes punës me materiale konkrete, përmes lojërave, dramatizimit  dhe ishte veçanërisht e rëndësishme për ne që të sigurojmë këtë spektër  të gjerë, gamë të gjerë të përmbajtjes dhe nivelet kognitive  të detyrave në mënyrë që mësimdhënsit t`i përdorin ato për t`i përshtatur dhe për të zhvilluar vizionin e tyre për mësimin  e matematikës ", shpjegon Jakimoviqi.

Sipas autorës, gjatë përgatitjes së librit shkollor të matematikës është e rëndësishme veçanërisht ,të futet  përmbajtje që do të inkurajojnë dhe të thellojnë interesin dhe dashurinë e nxënësve  për të mësuar matematikën dhe ndërtimin e imazhit pozitiv për veten, për atë që do të thotë të jesh matematikan dhe të ndjehen rehat në rolin e matematikanëve kërkimorë.