Komuna e Kavadarit së bashku me bashkësinë lokale të biznesit i bashkangjiten përpjekjeve të Qeverisë dhe Ministrisë së Arsimit dhe Shkencës për ngritjen e atraktivitetit dhe interesin për zgjedhjen e arsimit të mesëm profesional nga të rinjtë. Edhe këtu, shkollat e mesme profesionale në kuadër të fushatës "Mëso me mençuri, puno në mënyrë profesionale" organizojnë ditë të hapura për nxënësit e shkollave të mesme të ardhshme dhe prezantojnë perspektivat të cilat i ofron ky lloj i arsimit, nga aspekti i punësimit dhe garantimit për ardhmëri të mirë për çdo të ri .
Kjo u deklarua nga Ministrja e Arsimit dhe e Shkencës Mila Carovska gjatë vizitës së sotme në SHMK "Kiro Spanxhov - Brko" dhe SHMK "Gjorçe Petrov" ku, siç tha ajo, si dhe në shumë shkolla të mesme profesionale në vend , për herë të parë në vitin e ri shkollor futet koncepti i arsimit të dyfishtë për profile të caktuara, dhe për disa, tanimë ekziston dhe vazhdon të implementohet nga shtatori përmes bashkëpunimit të shkollave me kompani. Ju përkujton se kompania Drekselmeier ka tre vjet që është pjesë e historisë së suksesit.
„ Gjysmë maturantët e rinj nga Kavadari, si dhe nga komunat përreth, kanë edhe një muaj për të menduar se ku do të vazhdojnë shkollimin dhe këshilla ime janë pikërisht këto shkolla të mesme dhe saktësisht arsimi i dyfishtë .Gjithashtu besoj se brezat që kanë kaluar tashmë vit të caktuar arsimor në klasë të dyfishtë janë jashtëzakonisht të kënaqur me mënyrën e përvetësimit të njohurive dhe me njohuritë vetë të fituara dhe se ata do ta transferojnë këtë përvojë tek më të rinjtë dhe kështu do të japin kontribut në rritjen e numrit të nxënësve që zgjedhin arsimin e mesëm profesional," tha Carovska, duke shtuar se mësimi në shkollat e mesme profesionale po modernizohet përmes shtimit të orëve praktike dhe përmes prokurimit të pajisjeve.
„Shkolla e mesme "Gjorçe Petrov" është pjesë e shkollave bujqësore për të cilat kemi blerë 11 makina për trajnimin praktik të nxënësve. Do të vazhdojmë këtë proces edhe me mbulimin e profesioneve të tjera dhe shkollave të tjera në vend ", informoi Carovska.
Ministri tha se me një sërë masash për të përmirësuar cilësinë e arsimit profesional dhe për promovimin e tij në mesin e të rinjve, deficiti i personelit do të zvogëlohet, të rinjtë do të ndihmohen të qëndrojnë në qytetet e tyre dhe të realizojnë veten e tyre në mënyrë profesionale, ku do të përshpejtohet edhe zhvillimi i vendit.
Në të dy shkollat e mesme profesionale në Kavadar është planifikuar të regjistrohen gjithsej 431 nxënës në vitin e parë. Prej tyre, 245 nxënës në 8 paralele me mësim në gjuhën maqedonase janë në SHMK "Kiro Spanxhov - Brko" edhe atë për maqineri dhe elktroteknik , gjeologji dhe miniera - profesion metalurgjik, dhe 186 të tjerët në 6 paralele në gjuhën maqedonase në shkollën e mesme "Gjorçe Petrov" për bujqësi - veterinare, pylltari - përpunim druri dhe profesione shëndetësore.