Në bazë të nenit 49 paragrafit 5 të Ligjit për standarde të studentëve (“ Gazeta Zyrtare e Republikës së Maqedonisë së Veriut” nr. 15/13, 120/13, 41/14,146/15, 30/16, 178/16 dhe 64/18, 20/19 dhe “ Gazetës Zyrtare të Republikës së Maqedonisë së Veriut” nr. 124/19 dhe 248/20 ) dhe Aktvendimit për shpalljen e Konkursit për ndarjen e bursave për studentët e rregullt Rom të regjistruar në studime deridiplomike të ciklit të parë në universitetet publike dhe private dhe institucionet e larta arsimore në Republikën e Maqedonisë së Veriut për vitin studimor 2020/2021 nr.______________ të datës __________, Ministria e Arsimit dhe Shkencës, shpall
KONKURS
Për ndarjen e bursave për studentë të rregullt Rom të regjistruar në studime të ciklit të parë në institucionet e larta arsimore në Republikën e Maqedonisë së Veriut në vitin studimor 2020/2021
Ministria e Arsimit dhe Shkencës për vitin studimor 2020/2021 me konkursin do të ndajë gjithsej 130 bursa për studentë Rom të regjistruar në studime të ciklit të parë në institucionet e larta arsimore publike dhe private në Republikën e Maqedonisë së Veriut
I. KUSHTET PËR NDARJEN E BURSËS PËR STUDENTË
Të drejtë burse kanë studentët e regjistruar në studime të ciklit të parë të cilët studiojnë në institucionet e larta arsimore publike dhe private në Republikën e Maqedonisë së Veriut dhe të cilët i potësojnë kushtet në vazhdim:
1. Të jenë pjesëtar të bashkësisë Rome;
2.Të jenë shtetas të Republikës së Maqedonisë së Veriut;
3.Të mos jenë shfrytëzues të ndonjë burse tjetër nga organe, institucione dhe kompani tjera.
II. KRITERET PËR NDARJEN E BURSËS PËR STUDENTË PËR STUDENTËT ROM
Bursat për studentët Rom do të ndahen në përputhje me kriteret e mëposhtme:
1. Suksesi mesatar i arritur i kandidatit nga të gjitha vitet e arsimit të mesëm, për studentët e regjistruar në vitin e parë të studimeve;
2. Suksesi mesatar i arritur nga të gjitha vitet e mëparshme të studimeve për studentët që studiojnë në të gjitha vitet e tjera;
3. Të jenë studentë të rregullt në një nga institucionet e larta arsimore publike ose privat në Republikën e Maqedonisë së Veriut në vitin studimor 2020/2021;
4. Përparsi gjatë selektimit do të kenë studentët Rom të cilët studiojnë në fakultetet publike ose private në Republikën e Maqedonisës Veriut të cilët studiojnë për kuadër mësimor.
Studentët të cilët gjatë vitit studimor 2019/2020 ishin shfrytëzues të bursës së Ministrisë së Arsimit dhe Shkencës, ndërsa nuk kanë regjistruar semestrin e ardhshëm ose vitin studimor tjetër, nuk kanë të drejtë burse në vitin akademik 2020/2021
III. SHUMA E BURSËS
Shuma e bursës është 5,000 denarë në muaj për nëntë muaj gjatë një viti studimor .
IV. MËNYRA DHE AFATI I APLIKIMIT
Studentët të cilët i plotësojnë kushtet plotësojnë Fletëaplikim elektronik dhe ja bashkangjesin dokumentacionin përkatës në http://konkursi.mon.gov.mk, ndërsa në qoftë se nuk kanë mundësi të aplikojnë në mënyrë elektronike, plotësojnë Fletëparaqitje në letër dhe e dorëzojnë dokumentacionin e nevojshëm sipas Konkursit në Ministrinë e Arsimit dhe Shkencës ( Rr. Shën Kirili dhe Metodi nr.54, Shkup) nga data 13.11.2020 deri më 30.11.2020 prej ora 09-15.
Dokumentacioni i nevojshëm për dorëzim:
A) Për studentët e regjistruar në vitin e parë është i nevojshëm dokumentacioni në vazhdim:
1. Kërkesë për bursë për studentë Rom, për studentët që do të aplikojnë në letër;
2. Fletëaplikim për bursë për studentët Rom;
3. Vërtetim se është student i rregullt në vitin studimor 2020/21;
4. Kopje të dëftesave nga 4 vitet e arsimit të mesëm të vërtetuar në noter ;
5. Deklaratë se kandidati është pjesëtar i bashkësisë etnike Rome;
6. Deklaratë se kandidati nuk është shfrytëzues i ndonjë burse tjetër ;
7. Deklaratë për përpunimin e të dhënëave personale të kandidatit për nevojat e Ministrisë së Arsimit dhe Shkencës;
8. Kopje e shtetësisë së Republikës së Maqedonisë së Veriut;
9. Kopje e llogarisë rrjedhëse në emër të kandidatit.
B) për studentët e të gjitha viteve tjera studimore, është i nevojshëm dokumentacioni në vazhdim :
1. Kërkesë për bursë për studentë Rom, vetëm për studentët që do të aplikojnë në letër;
2. Fletëaplikim për bursë për studentët Rom;
3. Vërtetim se është student i rregullt në vitin studimor 2020/21;
4. Kopje të Indexit ;
5. Certifikatë për dhënien e provimeve (origjinal ose kopje të vërtetuar në noter );
6. Deklaratë se kandidati është pjesëtar i bashkësisë etnike Rome;
7.Deklaratë se kandidati nuk është shfrytëzues i ndonjë burse tjetër ;
8.Deklaratë për përpunimin e të dhënave personale të kandidatit për nevojat e Ministrisë së Arsimit dhe Shkencës;;
9.Kopje e shtetësisë së Republikës së Maqedonisë së Veriut;
10.Kopje e llogarisë rrjedhëse në emër të studentit.
Dokumentacioni i dorëzuar pas përfundimit të afatit nuk do të shqyrtohet dhe e njejta nuk do të hyjë në konkurrencë me të tjerat që kanë aplikuar në Konkurs.