Në  bazë të nenit  55 paragrafit 1 të Ligjit për organizimin dhe punën e organeve të administratës shtetërore ( “ Gazeta Zyrtare e Republikës së Maqedonisë” nr. 58/00, 44/02, 82/08, 167/10 dhe  51/11) dhe Gazeta Zyrtare e Republikës së Maqedonisë së Veriut nr. 96/19 dhe  110/19), neni 54 paragrifi 3 të Ligjit për standard të nxënësve  “ Gazeta Zyrtare e Republikës së Maqedonisë” nr. 52/05, 117/08, 17/11, 135/11, 15/13, 41/14, 146/15, 30/16, 64/18, 20/19 dhe  248/20), dhe Vendimin për caktimin e numrit të bursistëve dhe shumën  e bursave për nxënës të regjistruar në shkollat e mesme në Republikën e Maqedonisë së Veriut për vitin shkollorë 2020/2021 (“Gazeta Zyrtare e Republikës së Maqedonisë” nr.  195/20 dhe 253/20) dhe Aktvendimi për shpalljen e Konkursit për ndarjen e bursave  për nxënësit Rom   të shkollave të mesme publike dhe private  në Republikën e Maqedonisë së Veriut për vitin shkollor 2020/2021nr. 19-11898/1 nga 27.10.2020  Ministria e Arsimit dhe Shkencës shpall:  

 

 

 

 

 

 

KONKURS

për ndarjen  e bursave  për  pesë kategori -  për nxënësit Rom të regjistruar në vitin e parë, dytë, tretë dhe katërt në shkollat  e  mesme  publike dhe private në Republikën e Maqedonisë së Veriut për vitin shkollor 2020/2021

 

 

            Ministria e Arsimit dhe Shkencës për vitin shkollor 2020 /2021 ndanë 880 ( tetëqind e tetëdhjetë ) bursa për pesë kategori për nxënësit Rom të regjistruar në vitin e parë, dytë, tretë dhe katërt në shkollat  e mesme  publike dhe private në Republikën e Maqedonisë së Veriut

 

 

 

 

I. KUSHTET PËR NDARJEN E BURSËS

 

            Në vitin shkollor 2020/21 ndahen gjithsej 880 bursa për nxënësit  Rom të  shkollave të mesme për  pesë kategori:

 

           

            1. Në kategorinë e parë, ndahen  gjithsej 200 bursa  për nxënësit  Rom  të shkollave  të mesme për vitin shkollor  2020/21 në shumë  prej 2,200,00 denarë në muaj për  nxënës , të cilët  kanë arritur   sukses prej  4,50 deri  5,00 në vitin e fundit shkollor;

            2. Në kategorinë e dytë ndahen 320 bursa për nxënësit  Rom  të shkollave  të mesme për vitin shkollor  2020/21 në shumë  prej 1.500,00 denarë në muaj për  nxënës , të cilët  kanë arritur   sukses prej  3.50 deri  4.49 në vitin e fundit shkollor;

 

            3.  Në kategorinë e tretë ndahen 160 bursa për nxënësit  Rom  të shkollave  të mesme për vitin shkollor  2020/21 në shumë  prej 1.000,00 denarë në muaj për  nxënës , të cilët  kanë arritur   sukses prej  3.00 deri  3.49 në vitin e fundit shkollor;

            4. Në kategorinë e katërt  ndahen 50 bursa për nxënësit  Rom  të shkollave  të mesme për vitin shkollor  2020/21 në shumë  prej 1.000,00 denarë në muaj për  nxënës it me nevoja të veçanta ndërsa  të cilët  kanë arritur   sukses  më së paku 3.00 në vitin e fundit shkollor;

            5. Në kategorinë e pestë  ndahen 150 bursa për nxënësit  Rom  të shkollave  të mesme për vitin shkollor  2020/21 në shumë  prej 600,00 denarë në muaj për  nxënës it me nevoja të veçanta ndërsa  të cilët  kanë arritur   sukses  prej 2.00-2.99  në vitin e fundit shkollor;

 

 

 

 

II. KUSHTET PËR NDARJEN E BURSËS

 

Për nxënësit Rom - kategoria e  parë, dytë, tretë, katërt dhe pestë bursat do të ndahen sipas kritereve në vazhdim:

 

1) Nxënësi të jetë i regjistruar në shkollë të mesme publike ose private

2) Nxënësi të jetë shtetas i Republikës së Maqedonisë së Veriut

3) Nxënësi të mos jetë shfrytëzues i ndonjë burse tjetër 

4) Nxënësi duhet të ketë sjellje shembullore

5) Nxënësi të jetë pjesëtar i bashkësisë Rome.

 

Përparësi  gjatë përzgjedhjes do t`u jepet kandidatëve me sukses të përgjithshëm më të lartë në secilën kategori.

 

 

 

 

III. VENDI DHE AFATI PËR PARASHTRIMIN E DOKUMENTEVE

 

 

Nxënësit të cilët i plotësojnë kushtet sipas konkursit  duhet të plotësojnë Fletëparaqitjen elektronike dhe ja bashkangjesin dokumentacionin e nevojshëm në http://konkursi.mon.gov.mk  ndërsa në qoftë se nuk kanë mundësi të aplikojnë në mënyrë elektronike, plotësojnë Fletëparaqitje në letër (listën evidentuese) dhe e dorëzojnë dokumentacionin e nevojshëm sipas Konkursit në Ministrinë e Arsimit dhe Shkencës ( Rr. Shën Kirili dhe Metodi nr.54, Shkup) nga data 27.10.2020 deri më 09.11.2020, prej ora 09-15.

Dokumentet e nevojshme për dorëzim:

 

 

1. Listë evidentuese, vetëm për kandidatët të cilët aplikojnë në formë të letrës;

2. Vërtetim se është nxënës i rregullt në vitin shkollor 2020/2021;

3. Kopje të Dëftesave  të vërtetuara në noter për vitet paraprake ( kandidatët e vitit të parë dorëzojnë  dëftesat nga klasa e VI - IX);

               4. Deklaratë të nënshkruar nga prindi - kujdestari se kandidati nuk është shfrytëzues i ndonjë burse tjetër  publikuar në ueb faqe;

               5. Deklaratë të nënshkruar nga prindi - kujdestari se dokumentet e dorëzuara janë të sakta dhe identike me të dhënat e shënuara në Fletëaplikimin elektronik , publikuar në ueb faqen e Ministrisë ;

6. Deklaratë të nënshkruar nga prindi - kujdestari për përpunimin e të dhënave personale të kandidatit dhe familjes së ngushtë ( prind-kujdestar, vëllezër, motra) me të cilën pajtohet që Ministria e Arsimit dhe Shkencës zyrtarisht të sigurojë dokumentacionin e nevojshëm nga institucionet publike me të cilët kanë të lidhur marrëveshje për bashkëpunim, të publikuar në ueb faqen e Ministrisë;

7. Deklaratë se kandidati është i  përkatësisë etnike Rome (publikuar në Konkurs në www.konkursi.mon.gov.mk);

 

              Kandidatët  nuk do  të  rangohen nëse dokumentacioni i dorëzuar: nuk është i dorëzuar në kohë.

 

 

IV. SHUMA E BURSËS

Shuma e bursës është e shënuar për secilën kategori veçmas edhe atë:

 

Kategoria e parë: bursë për nxënësit me sukses prej 4.50 -  5.00

Kjo kategori e bursës përfshinë nxënësit Rom të cilët mësojnë në vitin e parë, dytë, tretë dhe katërt ndërsa, tregojnë rezultate të shkëlqyera prej 4.50 -  5.00. Në këtë kategori të bursave për vitin shkollor 2020/21 do të ndahen gjithsej 200 bursa. Shuma e bursës për kategorinë e parë është 2,200.00 denarë në muaj për nëntë muaj për një vit shkollor.

 

 

Kategoria e dytë : bursë për nxënësit me sukses prej 3.50 - 4.49

Kjo kategori e bursës përfshinë nxënësit Rom të cilët mësojnë në vitin e parë, dytë, tretë dhe katërt ndërsa, tregojnë rezultate shumë të mira  prej 3.50 - 4.49. Në këtë kategori të bursave për vitin shkollor 2020/21 do të ndahen gjithsej 320 bursa . Shuma e bursës për kategorinë e dytë  është 1,500.00  denarë në muaj për nëntë muaj për një vit shkollor.

 

Kategoria e tretë  : bursë për nxënësit me sukses prej 3.00 до 3.49

Kategoria e tretë e bursës do ti përfshijë nxënësit Rom të cilët mësojnë në vitin e parë, dytë, tretë dhe katërt, ndërsa tregojnë rezultate të mira prej  3.49. Në këtë kategori për vitin shkollor 2020/2021 do të ndahen gjithsej 160 bursa.  Shuma e bursës për kategorinë e tretë   është 1,000.00 denarë në muaj për nëntë muaj për një vit shkollor.

 

Kategoria e katërt : Bursa për nxënësit me nevoja të veçanta  

Kategoria e katërt e bursës do i  dedikohet  nxënësve me nevoja të veçanat. Në këtë kategori të bursës për vitin shkollor 2020/21 do të ndahen gjithsej 50 bursa Shuma e bursës për kategorinë e katërt   është 1,000.00 denarë në muaj për nëntë muaj për një vit shkollor.

 

 

Kategoria e pestë : Bursë motivuese për nxënësit me mesatare prej  2.00 - 2.99

Kategoria e pestë do të përfshijë nxënësit Rom të cilët mësojnë në vitin e parë, dytë, tretë dhe katërt, ndërsa në vitin e mëparshëm shkollor kanë arritur sukses të përgjithshëm prej 2.00- 2.99. Në këtë kategori për vitin shkollor 2020/2021 do të ndahen gjithsej 150 bursa.  Shuma e bursës për kategorinë e pestë është 600,00 denarë në muaj për nëntë muaj për një vit shkollor.

 

Bursat të cilat janë dedikuar për  pesë kategoritë, mirëpo  të cilat nuk janë ndarë mundë  të barten në kategoritë  tjera , të shënuara në Konkurs.

 

Personi për kontakt për informata plotësuese: Arabela Iljaz, arabela.iljaz@mon.gov.mk