Ministria e Arsimit dhe Shkencës e Republikës së Maqedonisë së Veriut

  / Lajme dhe Ngjarje / Carovska në takim me nxënësit e shkollës fillore që fituan medalje në Olimpiadën Ballkanike në Matematikë: Ju jeni krenaria jonë

Carovska në takim me nxënësit e shkollës fillore që fituan medalje në Olimpiadën Ballkanike në Matematikë: Ju jeni krenaria jonë

 

Matematikantët e rinj janë krenaria jonë. Medaljet janë një shpërblim i merituar për mësimin e tyre të përkushtuar dhe dëshira të zbulojnë gjithnjë e më shumë nga bota e mrekullueshme e matematikës.

Kjo ju numëron një nga më të mirët në Ballkan, të gjithë jemi të lumtur me suksesin tuaj, ju tha Ministrja e Arsimit dhe Shkencës Mila Carovska në takimin me nxënësit të cilët fituan medalje të  artë, argjendi dhe dy medalje të bronzit në Olimpiadën Junior Ballkanike të Matematikës.

"Shtetet që kanë mendje të tilla duhet të jenë krenarë, por në të njëjtën kohë të investojnë në zhvillimin e tyre, sepse shkencëtarët e rinj janë ata që e çojnë vendin përpara." I inkurajojmë të gjithë nxënësit të investojnë për vehten dhe në njohuritë e tyre, sepse kohërat si kjo tani e tregojnë rëndësinë e shkencës. "Si Ministria e Arsimit dhe Shkencës, do të bëjmë gjithçka për të ndihmuar të rinjtë të arrijnë qëllimin e tyre," u tha Carovska.

Konkurrentët e rinj nga vendi ynë morën pjesë në Olimpiadën për nxënës deri në 15.5 vjet, ku nikoqiri virtuel ishte Greqia, respektivisht Shoqëria Greke e Matematikës.

Ekipi ynë u zgjodh përmes sistemit të garave, të cilat realizohen çdo vit nga Unioni i Matematikantëve të Maqedonisë. Në ekipin maqedonas ishin nxënësi Damjan Davkov nga klasa VII në SHFK "Vanço Prke" - Shtip, Nikolla Spirovski nga klasa IX në SHF "J. H. Pestaloci "- Shkup, Marija Atanasova nga klasa IX në SHFK " 11 Tetori "- Shkup,Matej Gelev nga klasa IX në SHFK " Blaze Koneski "-Veles, Nikolla Cvetanoski nga klasa IX në SHFK" Gjorgjija Pulevski ", Emilija Nikollovska nga klasa IX në SHFK "Grigor Prliçev" - Ohër. Udhëheqësi ishte Delço Leskovski dhe zëvendës udhëheqës Borçe Joshevski.

Fituesit e medaljeve në konkurencën e nxënësve nga 10 vende të Ballkanit dhe 8 vende të tjera –mysafire, janë: Nikola Spirovski – medalje të artë, Damjan Davkov – medalje të argjendtë, Nikola Cvetanoski – medalje të bronzit dhe Marija Atanasova – medalje të bronzit.

 

Lajme dhe Ngjarje

Back to top
Close Offcanvas Sidebar