Ministrja e Arsimit dhe Shkencës Milla Carovska sot në dy takime të ndara u takua me përfaqësuesit e Unionit të nxënësve të shkollave të mesme që kërkojnë mësim të kombinuar,
Në takimin punues ministrja theksoi se Qeveria ofron model të kombinuar për fillimin e vitit shkollor dhe kudo që janë plotësuar kushtet sipas protokolleve të cilët tanimë janë miratuar, mësimi do të mundë të fillojë me prezencë fizike në shkolla, varësisht nga klasa dhe mosha e fëmijëve. Për këtë qëllim,është formuar Komision nga Qeveria i cili vlerëson se vallë janë plotësuar kushtet në shkollë.
Carovska theksoi se ato objekte që nuk janë në gjendje të plotësojnë protokollet, viti shkollor do të fillojë online, me ç`rast në mënyrë të përshpejtuar po përpilohet platformë e vetme kombëtare. Në këto shkolla, me prezencë fizike mësimin do të ndjekin vetëm fëmijët nga klasa e parë deri në të tretën , por gjithashtu edhe atyre u jepet e drejta e përzgjedhjes, për të cilën prindërit do të duhet të deklarohen me shkrim.
Ministrja e Arsimit dhe Shkencës theksoi se është e vetëdijshme që çdo mësimëdhënës nxënës, prind ka dëshirat dhe mendimet e veta se si duhet të duket mësimi, por duhet të gjendet një ekuilibër midis mbrojtjes së shëndetit publik dhe të mësuarit .Carovska tha se me përpjekje të përbashkëta është e sigurt që do të përmbyllin me sukses këtë vit shkollor.
Në takim, nxënësit e shkollave të mesme kërkuan të përfshihen si partner të barabartë në të gjitha politikat që kanë të bëjnë me të rinjtë dhe nxënësit . Në takim u arrit marrëveshje përbashkët se bashkëpunimi dhe dialogu do të vazhdojë në mes nxënësve të shkollave të mesme, mësimëdhënësve , prindërve , Ministrisë së Arsimit dhe Shkencës dhe institucioneve të tjera, me qëllim që të arrihet zgjidhje më e mirë mësimore dhe procese arsimore në kushte kur vendi po përballet me pandemi.
Përfaqësuesit e Iniciativës së prindërve shprehën kënaqësinë se Qeveria ofron model të kombinuar për fillimin e vitit shkollor 2020/2021.