Me 135 milionë denarë do të realizohen tre projekte kapitale infrastrukturore në fushën e arsimit në po aq komuna, ku do të përmirësohen kushtet për mësim për nxënësit, si dhe për kushte më të mira pune për mësimdhënësit. Sot në Qeveri, ministrja e Arsimit dhe Shkencës, Prof. Dr. Vesna Janevska, firmosi marrëveshje me kryetarët e komunave Kisella Vodë, Manastir dhe Vallandovë, të cilët kanë parashtruar aplikime për mbështetje projektesh në thirrjen e dytë nga instrumenti për investime kapitale i Qeverisë.

Në komunën Kisella Vodë, me buxhet prej 33,3 milionë denarë do të zgjerohet objekti në kuadër të Shkollës Fillore „Nevena Georgieva Dunja“. Në Shkollën e Mesme „Goce Dellçev“ në Vallandovë do të ndërtohet pishinë e mbyllur për not, për të cilën janë siguruar 61,5 milionë denarë, ndërsa në Shkollën Fillore „Тodor Angelлovski“ në Manastir do të ndërtohet palestër e re sportive me vlerë prej 40,3 mil-ionë denarë.

Avancimi i infrastrukturës arsimore është ndër prioritetet e Qeverisë dhe Ministrisë së Arsimit dhe Shkencës, sepse është një nga shtyllat kryesore të cilësisë së sistemit arsimor, së bashku me tekstet shkollore cilësore, programet mësimore dhe kuadrin e motivuar. Në ditët në vijim do të firmosen marrëveshje për mbështetje të projekteve infrastrukturore arsimore edhe me disa komuna të tjera, aplikimet e të cilave janë pranuar përmes thirrjes së shpallur nga Qeveria.