Në bazë të nenit 12 paragrafit (2) të Ligjit për Tekstet Shkollore në Arsimin Fillor dhe të Mesëm (“Gazeta Zyrtare e Republikës së Maqedonisë së Veriut” nr. 3/25), Ministria e Arsimit dhe Shkencës – Shërbimi Pedagogjik, shpall
KONKURS
për tekstet shkollore në arsimin e mesëm-gjimnaz
1. KUSHTET E PËRGJITHSHME
Porositës: Ministria e Arsimit dhe Shkencës – Shërbimi Pedagogjik
Lënda e Konkursit për tekstet shkollor: Mbledhja e ofertave për dorëshkrime për tekste shkollore për miratim dhe lëshim nga një tekst shkollor për lëndët mësimore në vijim:
- Gjuhë dhe letërsi maqedonase për vitin e I (parë) arsimi i mesëm - gjimnaz;
- Gjuhë dhe letërsi shqipe për vitin e I (parë) arsimi i mesëm - gjimnaz;
- Gjuhë dhe letërsi turke për vitin e I (parë) arsimi i mesëm - gjimnaz;
- Gjuhë dhe letërsi serbe për vitin e I (parë) arsimi i mesëm - gjimnaz;
- Gjuhë maqedonase për nxënësit e bashkësive tjera për vitin e I (parë) arsimi i mesëm - gjimnaz;
- Matematikë për vitin e I (parë) arsimi i mesëm - gjimnaz;
- Fizikë për vitin e I (parë) arsimi i mesëm - gjimnaz;
- Kimi për vitin e I (parë) arsimi i mesëm - gjimnaz;
- Biologji për vitin e I (parë) arsimi i mesëm - gjimnaz;
- Gjeografia për vitin e I (parë) arsimi i mesëm - gjimnaz;
- Informatikë për vitin e I (të parë) arsimi i mesëm - gjimnaz;
- Art figurativ për vitin e I (parë) arsimi i mesëm - gjimnaz;
- Art muzikor për vitin e I (parë) arsimi i mesëm - gjimnaz;
- Sport dhe aktivitete sportive për vitin e I (parë) arsimi i mesëm - gjimnaz;
1.1. Të drejtën e pjesëmarrjes në Konkursin për tekstet shkollore e kanë botuesit e teksteve shkollore në Republikën e Maqedonisë së Veriut të cilët dorëzojnë dokumentacionin e nevojshëm të përcaktuar në nenin 13 të Ligjit për Tekstet Shkollore në Arsimin Fillor dhe të Mesëm (“Gazeta Zyrtare e Republikës së Maqedonisë së Veriut” Nr. 3/25).
1.2. Konkursi është publik, i hapur dhe anonim.
1.3. Në Konkurs mund të merr pjesë botuesi i tekstit shkollor vetëm me një dorëshkrim për tekst shkollor për një lëndë mësimore..
1.4 Autori i tekstit nuk mund të jetë punonjës në Ministrinë e Arsimit dhe Shkencës, Byronë për Zhvillimin e Arsimit, Shërbimin Pedagogjik, Agjencinë Kombëtare të Programeve Arsimore Evropiane dhe Lëvizshmërisë, Inspektoratin Shtetëror Arsimor, Qendrën e Zhvillimit të Arsimit Profesional, Qendrën Shtetërore të Provimeve, Qendrën për Arsimin e të Rriturve dhe Drejtorinë për Zhvillimin dhe Avancimin e Arsimit në gjuhët e pjesëtarëve të bashësive, kryetar, zëvendëskryetar dhe anëtar i Komisionit Kombëtar të Teksteve për Arsimin Fillor dhe të Mesëm, si dhe kryetar dhe anëtar i komisionit recensues.
1.5. Dorëshkrimi për tekstin shkollor përgatitet sipas planit mësimor dhe programit mësimor për klasën përkatëse, lëndën mësimore dhe Konceptin për përpilimin e teksteve shkollore.
1.6. Dorëshkrimi për tekstin shkollor duhet të plotësojë kushtet dhe standardet në përputhje me Konceptin për përpilimin e teksteve shkollore.
1.7. Dorëshkrimi për tekstin mësimor dorëzohet në 5 (pesë) ekzemplarë në formë të shtypur dhe 1 (një) ekzemplarë në formë elektronike (CD/USB), i përpunuar në mënyrë figurative, grafike dhe i rregulluar në mënyrë gjuhësore.
1.7.1. Dorëshkrimi i tekstit mësimor nuk duhet të përmbajë fotografi, ilustrime dhe përmbajtje të shkarkuar nga palë të treta për të cilat botuesi nuk ka siguruar të drejtën e autorit për përdorimin e tyre.
1.7.2. Dorëshkrimi për tekstin shkollor nuk duhet të përmbajë mesazhe reklamuese, shpallje ose përmbajtje që promovojnë diskriminim e çfarëdo llojë baze të diskriminimit të parashikuar në Ligjin për Parandalimin dhe Mbrojtjen nga Diskriminimi.
1.8. Botuesit, dorëshkrimet për tekstet shkollore i dorëzojnë në gjuhën maqedonase dhe shkrimin e saj cirilik, ndërsa dorëshkrimet për tekstet shkollore për lëndët Gjuhë dhe letërsi shqipe, Gujë dhe letërsi turke dhe Gjuhë dhe letërsi serbe i dorëzojmë në gjuhën dhe shkrimin në të cilën realizohet mësimi.
1.9. Të drejtat dhe obligimet ndërmjet botuesit dhe Ministrisë së Arsimit dhe Shkencës rregullohen reciprokisht me marrëveshje.
2. AFATET
2.1 Afati për dorëzimin e dorëshkrimeve për tekstet shkollore është përfundimisht 05.06.2025
3. DOKUMENTACIONI I KONKURSIT.
3.1. Dokumentacioni i konkursit përmban: planin mësimor dhe programin për klasën përkatëse, lëndën Konceptin për përpilimin e tekstit shkollor dhe Ligjin për Tekstet Shkollore për Arsimin Fillor dhe të Mesëm.
3.2. Dokumentacioni i konkursit mund të merret në hapsirat e Ministrisë së Arsimit dhe Shkencës - Shërbimi Pedagogjik - Rr. “Shën. Kirili dhe Metodi” nr. 54 - Shkup ose të shkartohet në lidhjet në vazhdim:
https://mon.gov.mk/stored/document/Zakon%20za%20ucebnici%20mk.pdf https://www.bro.gov.mk/
4. DORËZIMI I DËROSHKRIMEVE PËR TEKSET SHKOLLORE
4.1. Ofertat për dorëshkrimet e teksteve shkollore dorëzohen me postë të rekomanduar ose duke e dorëzuar në arkivin e Ministrisë së Arsimit dhe Shkencës - Shërbimi Pedagogjik - rr. “Shën. Kirili dhe Metodi” nr. 54 – Shkup, kati përdhesë.
4.2. Në pjesën e përparme të dërgesës, në këndin e sipërm majtas, duhet të shënohet "MOS E HAP" dhe "KONKURSI PËR MIRATIMIN DHE LËSHIMIN E TEKSVE SHKOLLORE ", titulli i dorëshkrimit për tekstin shkollor, klasën, dhe ne mes adresen: MINISTRIA E ARSIMIT DHE SHKENCËS - SHËRBIMI PEDAGOGJIK, rr. “Shën. Kirili dhe Metodi” nr. 54 – Shkup
4.3. Botuesit në pakon e dorëzuar në të cilën shkruan "MOS E HAP" duhet të dorëzojnë dorëshkrim për tekst shkollor në 5(pesë) ekzemplarë në formë të shtypur dhe 1 (një) ekzemplarë në formë elektronike (CD/USB) i përpunuar në mënyrë figurative dhe grafike dhe i rregulluar në mënyrë gjuhësore dhe zarf të mbyllur në të cilin gjithashtu shkruan " MOS E HAP" me të dhënat dhe dokumentet në vazhdim:
- dëshmi për veprimtarinë e regjistruar botuese për të paktën pesë vjet;
- të dhënat për numrin e telefonit, adresën elektronike dhe adresën e selisë;
- emri dhe mbiemri i saktë i autorit(ve);
- certifikatë ose diplomë për arsimin e përfunduar përkatës në origjinal ose kopje të vërtetuar në noter me vulë noteriale (autorët të cilët kanë mbaruar arsimin jashtë vendit janë të obliguar të dorëzojnë Aktvendim për njohjen e kualifikimit të arsimit të lartë të huaj të lëshuar nga Ministria e Arsimit dhe Shkencës);
- vërtetim për përvojën e punës së autorit/ëve të lëshuar nga Fondi për Sigurim Pensional dhe Invalidor të Maqedonisë së Veriut;
- deklaratë nga autori(ët) se i plotësojnë kushtet sipas nenit 10 të Ligjit për Tekstet Shkollore në Arsimin Fillor dhe të Mesëm;
- deklaratë nga autori(ët) se dorëshkrimet janë kontrolluar për përmbajtjen dhe aspektin teknik, se informacionet e marra janë të referuara dhe se nuk është plagjiat;
- nëse emri dhe mbiemri i autorit(ëve) ndryshojnë nga emri dhe mbiemri i deklaruar në certifikatën ose diplomën e arsimit të përfunduar, duhet të bashkëngjitet dëshmia e besueshmërisë së të dhënave;
-deklaratë për redaktimin gjuhësor të tekstit ose vërtetim për dhënien e provimit për lektorë (origjinal ose kopje e vërtetuar në noter);
- deklaratë nga botuesi për sigurimin e të drejtave të autorit për ilustrimet në dorëshkrim.
5. DISPOZITAT PËRFUNDIMTARE
5.1. Ofertat për dorëshkrime për tekste shkollore të cilat nuk dorëzohen brenda afatit të caktuar dhe ato të cilat nuk janë përgatitur në përputhje me kushtet e këtij Konkursi do të refuzohen.