Врз основа на член 50 од Законот за научно-истражувачка дејност („Службен весник на РМ’ бр. 46/08, 103/08, 24/11, 80/12, 24/13, 147/13, 41/14, 145/15, 154/15, 30/16 и 53/16), и (“Службен весник на Република Северна Македонија” бр 257/20 и 163/21), член 3 од Правилникот за начинот и постапката за финансирање на научно-истражувачки проекти односно програми („Службен весник на РМ” бр. 82/09, 149/09, 34/11 и 129/13) и Решението за објавување на Јавен оглас за избор на рецензенти бр. 15-13720/1 од 21.09.2021 година, Министерството за образование и наука на Република Северна Македонија, распишува:
ЈАВЕН ОГЛАС
за избор на рецензенти кои ќе ги рецензираат проектите по објавениот Конкурс за финансирање на научно -истражувачки проекти од посебен и јавен интерес за 2021 година ( поддршка за развој на лабораториски ресурси)
Министерството за образование и наука од пријавените кандидати ќе изврши избор на рецензенти, кои ќе ги рецензираат поднесените предлог - проекти по Конкурсот за финансирање на научно -истражувачки проекти од посебен и јавен интерес за 2021 година ( поддршка за развој на лабораториски ресурси).
Рецензентите треба да бидат од редот на врвни познати и признати истражувачи со научно, односно наставно-научно звање од соодветното научно поле и научно подрачје на истражување и да имаат најмалку 7 години работно искуство во областа. Предност ќе имаат рецезенти кои имаат меѓународно искуство.
Рецензентите треба да бидат од следните научни полиња, научни подрачја и научни области на истражување:
|
1. |
Природно-математички науки: Биологија (молекуларна биологија); Биохемија; Физика; Хемија (аналитичка хемија, структурна хемија, Геохемија, Хемија во фармација, Наука за материјали, Квантна хемија, Геохемија, Теориска хемија, наноматеријали и нанотехнологија); |
|
2. |
Техничко-технолошки науки: Електротехника; Електроника и автоматика (електроенергетски мрежи и системи¸ контрола на квалитет, метрологија); Енергетика; Компјутерска техника и информатика; Градежништво и водостопанство (геотехника, земјотресно инжинерство); Хемиско инжинерство; Хемиска технологија; Контрола на квалитет; Машинство; Технологија на прехранбени производи; Животна средина, ( енергетика, вода, воздух и почва)
|
|
3. |
Медицински науки и здравство : Фундаментални медицински науки (имунологија, микробиологија, геномика, репродуктивна генетика, форензика, клиничка генетика молекуларна дијагностика, паразитологија); Клинички медицински науки (нефрологија, урологија,); Фармација (фармакогнозија, аналитика на лекови, фармакогенетика); Медицинска технологија (нуклеарна медицина); Нутриционизам; |
|
4. |
Биотехнички науки: Наука за земјиштето и хидрологија; Заштита на растенијата; Растително производство; Овоштарство; Лозарство; Ветеринарна медицина ; Добиточно производство (сточарство); Шумарство и хортикултура; Преработка на дрво; Биотехнологија; Преханбена технологија (конктрола на квалитет и безбедност на храна) |
|
5. |
Општествени науки: Економски науки; Статистика; Политички науки |
|
6. |
Хуманистички науки: Историски науки (историја, културологија); Археологија |
Избраните рецензенти, пријавените проекти ќе ги оценуваат врз
основа на следните критериуми:
- придонес во продлабочувањето и проширувањето на научните знаења;
- релевантноста на проектот на целите на истражувањето
- оригиналноста на целите и содржината на истражувањето;
- компетентност на главниот истражувач;
- компетентност и оригиналност на истражувачкиот тим;
- потенцијал на проектот за практична примена и достапност на лабораториската инфраструктура во земјата;
- потенцијал на проектот за признавањето на лабораториската инфраструктура и научното влијание на меѓународно ниво;
- остварливоста на предлог проектот (финансиска конструкција), можности за примена на резултатите;
- квалитет на апликацијата (опфат и комплетност, суштина, деталност, прецизност и јасност)
- идеен план за управување со лабораториските ресурси (формализирање, организираност и долгорочна одржливост за користење на лабораториската инфрастуктура)
Заинтересираните кандидати кон пријавата задолжително треба да достават:
- доказ дека имаат повеќе од 7 години работно искуство од областа односно доказ за работа со меѓународни проекти
- изјава од рецензентот дека нема судир на интереси, нема личен интерес, нема да се стекне со материјална или нематеријална корист за него и за негови блиски лица како резултат на неговото учество во објавениот конкурс.
Пријавата за рецензент, уредно пополнета се доставува во :
Министерството за образование и наука
Сектор за наука и иновации
Бул. „Св. Кирил и Методиј “ бр. 54
1000 Скопје
Краен рок за доставување на пријавите е 24.09.2021 година ( 15:30 час)
Некомплетни или ненавремено доставени пријави, нема да бидат разгледувани.
За симнување:
Пријава за рецензент (линк)
Оценувачки лист (линк)
