Министерство за образование и наука

  / Вести и настани / Царовска: Го јакнеме средното стручно, ја зголемуваме вработливоста на младите

Царовска: Го јакнеме средното стручно, ја зголемуваме вработливоста на младите

 

Царовска: Го јакнеме средното стручно, ја зголемуваме вработливоста на младите

 

Креираме образование базирано на вистински потреби на стопанството, со што бенефит ќе имаат и учениците и компаниите. Учениците добиваат пракса и потенцијално сигурно вработување по завршување на образованието, додека компаниите добиваат кадар подготвен да одговори на дадените работни обврски. Ова се придобивките од измените кон кои се стремиме на средното стручно образование во нашата земја, рече министерката за образование и наука Мила Царовска во Прилеп, каде продолжуваат средбите со компаниите, средните училишта и локалните самоуправи.

Министерката денеска имаше работна средба со градоначалниците на Прилеп и Крушево, Илија Јованоски и Томе Христоски, заедно со претставници на компании кои гравитираат во овие две општини, како и со директорите на средните училишта.

„Овие средби се добредојдени и за училиштата и за општеството. Од една страна училиштата добиваат сигнал каков кадар треба да продуцираат за да можат да одговорат на потребите на компаниите, додека другата страна, односно компаниите добиваат кадар кој е подготвен да се вклучи во производниот процес“, истакна министерката Царовска по средбата.

Овие средби ги организира Министерството за образование и наука под мотото “Учи паметно, работи стручно”, со поддршка на Швајцарската амбасада.

[ четврток, 18 февруари 2021 ] [ 0 ]

 

Вести и настани

Back to top
Close Offcanvas Sidebar