Me shumë kënaqësi mund të them se jam në komunikim të vazhdueshëm me studentët dhe veçanërisht me Trupin kombëtar studentor dhe shpesh diskutojmë për sfidat që i tangojnë dhe ofrojmë zgjidhje për tejkalimin e tyre. Deri më tani kemi pranuar disa kërkesa të tyre dhe e fundit ka të bëjë me konkursin për ndarjen e bursave për studimet e ciklit të dytë dhe të tretë në vend, sipas të cilit nëse nuk konkurrojnë kandidatë të mjaftueshën për bursat për shkencat teknike, të cilat janë më të shumta, në vend që të dështojnë mjetet do të lejojmë që të përdoren për bursa për studentët e shkencave shoqërore.

Kështu theksoi ministrja e Arsimit dhe Shkencës Prof.Dr. Vesna Janevska në seancën e djeshme parlamentare ku u parashtruan pyetje të deputetëve.

„Vendosëm të ndajmë më shumë bursa për studentët në fushën e shkencave teknike, sepse janë deficitare dhe synimi është që të stimulohen më shumë të rinj që të zgjedhin këto fusha. Ndërsa kjo është në përputhje me udhëzimet e Strategjisë së miratuar për specializim të zgjuar të shtetit”, theksoi Janevska, duke shtuar se sistemi i bursave është i adaptueshëm dhe në të ardhmen mund të ndryshohet në varësi të nevojave të tregut të punës dhe stimulimit të duhur të studentëve për të zgjedhur fusha të caktuara.

Janevska potencoi se në të kaluarën nuk është kujdesur për orientimin e studentëve, përkatësisht kuotat e regjistrimit nuk janë pranuar nga Qeveria siç janë propozuar nga institucionet e arsimit të lartë. Ajo bëri të ditur se nga viti i ardhshëm numri i vendeve për regjistrim në fakultete do të definohet sipas nevojave reale të kuadrove.