Kushtet për avancim në titujt  mësimore-shkencore në universitetet e Maqedonasë do të përforcohen me Ligjin e ri për Arsimin e Lartë, i cili aktualisht është në fazën e përgatitjes. Nga kuadri mësimor do të kërkohet sërish shpallja e  punimeve në revista me impakt faktor dhe  nga ana tjetër është një nga kriteret që vlerësohen në rangimin  e universiteteve në listën e Shangait, theksoi ministrja e Arsimit dhe Shkencës prof. Dr Vesna Janevska në emisionin Analizë në Tv 24.

 

„ Pas revolucionit shumëngjyrëshe  u ndryshua qeveria,u soll ligji  i cili uli në mënyrë drastike kriteret e avancimit në titujt mësimore-shkencore dhe menjëherë u ndje një ulje e intensitetit të punës kërkimore -shkencore. Është zvogëluar numri i punimeve që janë shpallur në revista me impakt faktor,ndërsa  kjo ndikoi në uljen  e UKM-së dhe universiteteve tjera në rang-listën e Shangait”, tha Janevska, duke theksuar  se është në komunikim të vazhdueshëm dhe ka mbështetjen e udhëheqësive të universiteteve  për të përforcuar kriteret për avancim në tituj .

 

Janevska informoi se mjetet për arsim dhe shkencë gradualisht do të rriten, ndërsa kjo do të thotë mbështetje edhe më të  madhe për organizimin dhe pjesëmarrjen në konferenca shkencore ndërkombëtare, për përgatitjen  e projekteve shkencore etj.

 

Gjithashtu ministrja ju bëri thirrje universiteteve që të jenë proaktiv në gjetjen e institucioneve partnere arsimore për përgatitjen  e projekteve dhe shfrytëzimin e benefiteve  të cilët i ofron rrjeti i universiteteve evropiane.