Kryetari i Komunës së Koçanit, Nikolço Iliev, dje  i ndau pllakë në shenjë mirënjohje Ministres së Arsimit dhe Shkencës, Milla Carovska, për mbështetjen në realizimin e projekteve të rëndësishme me interes për qytetarëve. Pllakë, e cila është njohja më e lartë komunale, iu dhurua Carovskas me shënimin e 77 vjetorit të qytetit të Koçanit, në mbledhje festive të Këshillit Komunal të mbajtur në përmendoren e Lirisë.

 

“ Nder dhe kënaqësi është t’iu shërbej qytetarëve dhe të punoj ekskluzivisht në interesin e tyre. Në periudhën e kaluar, e kemi treguar këtë përmes proceseve të rëndësishme të reformës me të cilat po avancojmë shoqërinë tonë. Pjesë e këtyre proceseve janë ato sociale dhe reforma në mbrojtjen e fëmijëve që e kam zbatuar si Ministre e Punës dhe Politikës Sociale në mandatin e kaluar, por edhe reformën që tani kemi filluar me sukses në Ministrinë e Arsimit dhe Shkencës, me të cilën sigurojmë  cilësi dhe arsim modern për çdo fëmijë. ", tha ministrja Carovska.

 

Ministrja theksoi se komuna e Koçanit është vetëm njëra nga disa komuna në të cilat MASH-i e përkushtuar investon për përmirësimin e kushteve në shkolla, por edhe sigurimin e qasjes së barabartë në arsim cilësor.