Ministria e Arsimit dhe Shkencës u bën apel të gjithë shfrytëzuesve të ndonjërës prej kategorive të bursave për nxënësit e shkollave të mesme dhe studentët e regjistruar në studimet deridiplomike në ciklin e parë në institucionet e arsimit të lartë në vend, nëse plotësojnë kushtet për vazhdimin e të drejtës së bursës, dokumentet e nevojshme t`i dorëzojnë sipas afatit të përcaktuar në marrëveshjen e nënshkruar.
Gjegjësisht, afati i fundit për vazhdimin e të drejtës për bursë për nxënës është nga 1 deri më 30 shtator 2021. Çdo shfrytëzues i bursës duhet të dorëzojë vërtetim se nxënësi është nxënës i rregullt në vitin shkollor 2021/2022 dhe kopje të dëftesës së fundit
Ndërsa afati për vazhdimin e të drejtës për bursë për studentë është nga 1 deri më 30 tetor 2021. Çdo Shfrytëzues i bursës duhet të dorëzojnë vërtetim për regjistrimin e semestrit të ardhshëm, gjegjësisht vitit të studimit dhe certifikatë/ vërtetim për provimet e parapara dhe të dhëna me sukses nga vitet e kaluara dhe indeksin në shikim, si dëshmi se ka dhënë 80% gjegjësisht 90% ( varësisht nga lloji i bursës të cilën e shfrytëzon) nga provimet e parapara, gjegjësisht se ka ruajtur notën mesatare të studimeve në përputhje me kontratën e bursës.
Dokumentacioni dorëzohet në mënyrë elektronike me bashkëngjitjen e dokumentacionit përkatës në http://e-uslugi.mon.gov.mk, nëse studentët nuk kanë mundësi të dorëzojnë të njëjtët në mënyrë elektronike atëherë dorëzojnë në Shërbimin Administrativ në Ministrinë e Arsimit dhe Shkencës ose përmes postës ( dërgesë rekomanduese me letër kthyese) në adresën : Bul. “ Shën Kirili dhe Metodi” nr. 54, 1000 Shkup ose drejtpërdrejtë në Ministri.