Ministrja e Arsimit dhe Shkencës Milla Carovska dhe kryterai i Komunës së Dojranit Ango Angov sot vizituan shkollën fillore “ Koço Racin” në Dojranin e Ri ku mësimi po realizohet me prani fizike nga klasa e parë deri në klasën e pestë.
Ata gjithashtu vëzhguan se si po realizohet mësimi edhe në shkollën fillore të re në Gjopçeli ku janë investuar 4,5 milion denarë dhe fëmijëve u janë siguruar kushte bashkëkohore për arsim dhe zhvillim.
“ Investimi vetëm në objekte nuk është i mjaftueshëm, nëse si Qeveri nuk investojmë edhe në kuadrin mësimor, sepse mësimdhënësit janë lidhja jonë më e rëndësishme në përcjelljen e njohurive tek nxënësit” theksoi Carovska.
Pandemia na mësoi se mësimdhënësit nuk janë të rëndësishëm vetëm si partnerë në klasë por se vendi i tyre është i pazëvendësueshëm edhe në mbështetje, motivim, udhëheqje, inovacion si dhe në krijimin e mënyrave të reja të punës, u shpreh Carovksa.
"Më më vjen mirë që në këtë shkollë fëmijët e ndjekin mësimin në njërën nga gjuhët e bashkësive etnike, rrespektivisht në Gjuhën turke, ndërsa atë që dua ta theksoj është se ju mësimdhënësit i mësoni fëmijët për tolerancë dhe multikulturalizëm.. "Nëse ju krijoni bashkësi, dhe nëse i mësoni të kujdesen për njëri-tjetrin, të mësojnë nga njëri-tjetri, atëherë krijojmë një shoqëri për të gjithë," tha Carovska.
Ministrja gjatë fjalimit ju bëri thirrje mësimdhënësve dhe nxënësve që t`i respektojnë masat mbrojtëse dhe protokollet për Kovid-19 sepse tani më 53 nxënës dhe 8 mësimdhënës janë në izolim.
Kryetari i Komunës Angov tha se në shkollën fillore të re mësimin me prani fizike e ndjekin 21 fëmijë deri në klasën e pestë, shkolla është ndërtuar me mjete të siguruara nga SHFK “Koço Racin” përmes bllok dotacioneve nga MASH-i dhe Komuna e Dojranit.
Në këtë ngjarje i pranishëm ishte edhe zëvendësministri i Punës dhe Politikës Sociale Enver Husein.